planet

نظام ERP

مامعنى نظام ERP ؟

بكل بساطة: نظام ERP هو اختصار لـ Enterprise Resource Planning ومعناه بالعربي : ” تخطيط موارد المؤسسة “، وده عبارة عن نظام على الكمبيوتر أو نقدر نسميه برنامج بينظم استخدام الموارد في المؤسسة بتاعتك أو الشركة .

أنظمة ERP كيف تعمل ؟
لأن الموارد الشركات والمؤسسات بتمتلكها بتكون كتير، بتبدأ من أول الاجراءات العملية زي المحاسبة والموارد البشرية وعلاقاتك بالعملاء والموردين ولحد الدفاتر والفواتير وعمليات التصنيع نفسها، وبكده انت هتكون محتاج تتابع العمليات دي كلها من مكان واحد، وبالتالي هتحتاج تكون كل البيانات دي متسجلة على قاعدة بيانات واحدة مجمعة علشان تقدر تسجل المعلومات وتسترجعها وقت ما انت عاوز، أهو الربط بين كل العمليات دي على قاعدة بيانات واحدة هو ده نظام ERP.

كيف أعرف ان النظام يعمل بنظام ERP ؟
نظام ERP لازم يكون على الأقل بيغطي نوعين من العمليات علشان نقدر نعتبره نظام مش مجرد برنامج، مثلا لو بيغطي المرتبات والمحاسبة ، فهو كده نظام ERP مش برنامج، طبعا أنظمة ERP ممكن يغطي أكتر من نوعين من العمليات ويكون على نطاق أكبر وأوسع.

ماهى أهم ميزة في نظام ERP ؟
بسبب تعقيد العمليات الانتاجية والاجراءات العملية نفسها، المطورين والمبرمجين بيركزوا على ان النظام نفسه يكون سهل الاستخدام وبواجهة مبسطة للمستخدم انه يقدر يتعامل معاها، وده بيخليك تركز على تطوير شغلك وشركتك أكتر من التعب والغرق في دوامات متابعة الشغل.

ماهى العمليات اللي نظام ERP يقدر يغطيها ؟
عمليات أنظمة ERP بشكل عام هي:

عملية التخطيط للمنتج
عملية التصنيع
عمليات التسويق والمبيعات
عمليات التخزين
عمليات الشحن والتوزيع
العمليات الاقتصادية ( المحاسبة التكاليف، .. )
وتقدر تقرأ أكتر عن العمليات بالتفصيل.

متى احتاج استخدم نظام ERP ؟
لو انت بتحاول تكبر حجم شركتك، فلازم تعرف ان مع نمو حجم الشركة بتبدأ مواردك تزيد عن الكم اللي انت متعود عليه وبيكون صعب متابعتها، دور نظام ERP إنه بيقوم بتخطيط الموارد دي ويعرضها في شكل تقارير تقدر تتابع الموارد من خلاله.

أكبر خمس علامات ان شركتك لازم تبدأ استخدام أنظمة ERP

مين محتاج أنظمة ERP ؟
لو انت شركة صغيرة وعاوز تكبر حجم شركتك لشركة متوسطة، فبعض الشركات المتوسطة أو الكبيرة اللي هتبدأ تتعامل معاها ممكن تمتنع عن التعامل معك لأن مفيش نظام ERP موجود في شركتك، استخدام أنظمة ERP والتقارير اللي بتخرجها بتكون مؤشرات عن أداء شركتك بجانب إنها تقارير لعملياتك، وبالتالي استخدام ERP يعتبر أحد دليل جودة عالية في شركتك.

ماالذى هتستفاده من استخدامك لنظام ERP ؟
بيحسن جودة وكفاءة الشركة، لأنه بيخلي العمليات مستمرة مع بعضها بشكل مريح ومبسط، بدلا من المتابعات اليدوية أو الأسوأ من كده ( الورقية ).
بيقدم تقارير بتساعد الادارة في اتخاذ القرارات بسهولة.
استخدامه كنظام إدارة بيخلي الشركة تتكيف أسرع مع التغيرات في المجال.
بيحمي البيانات بتاعتك بحيث محدش يقدر يطلع عليها غير المختصين بيها فقط.
بيجمع البيانات بتاعتك كلها في مكان واحد بحيث تقدر توصل لأي بيان انت عاوزه في أي وقت.
اعرف اكتر عن أهمية البرامج المحاسبية
ماهى أهم مميزات نظام ERP ؟
بعض أنظمة ERP بتقدم خاصية التنبؤ بالمبيعات.
سجل لكل عملية حصلت في نوع من العمليات في الشركة.
متابعة الطلبات بداية من أول قبول الطلب لحد تسليمه.
متابعة الايرادات من أول الفواتير ومتابعة السداد لو بتبيع بالتقسيط كمان.
متابعة المخزن والمبيعات والكميات المتوفرة في المخزن والكمية المتبقية بشكل لحظي.
6 مميزات هيخلوك تحول شغل شركتك لاستخدام تطبيق محاسبة اونلاين
ماهى أهم عيوب أنظمة ERP ؟
بيكون مصمم على أفضل طرق الشركات بتستخدمها، فتعديلات عمليات البيزنس نفسها زي اجراءات التصنيع مثلا ممكن يحتاج تعديل نظام ERP بالكامل.
استخدام كذا نظام في الشركات الضخمة بيكلف كتير (وقت ومجهود وتخطيط) علشان تقدر تحافظ على التناغم بين الأنظمة.
بتحتاج تدريب للموظفين علشان تقدر تستخدمه بشكل فعال.